Íslenskur ljósmyndari verðlaunaður

Ég er ekkert hissa á að þessi maður skuli vinna til verðlauna með myndum sínum.

En að ná þessum áfanga, þar sem yfir eitt hundrað þúsund myndir bárust, er mikil viðurkenning.

Bragi hefur verið að gera stórkostlega hluti á dpchallenge.com.

Þar á hann margar myndir sem hafa lent í efstu þremur sætunum, oftast þó í fyrsta sæti.

Þessi maður er algjör listamaður með myndavél.

Til hamingju Bragi !

Íslenskur ljósmyndari verðlaunaður

Lítið notað tjald til afnota.

Mig bara brast í grát við að lesa þessa frétt um að Hannes Smárason væri orðinn húsnæðislaus eins og alþjóð er kunnugt um. Kall greyið á allan minn stuðning og í ljósi þess hef ég ákveðið að bjóða honum til afnota, frítt að sjálfsögðu, tjaldið mitt sem er 6 manna. Til tryggingar þess að hann fari nú ekki að stofna einkahlutafélag um það og selji það til einhverra óprúttinna aðila sé ég ekki annan kost í stöðunni en að taka einhvern lúsusbíl hans til tryggingar.

Ef Hannes les þetta og hefur áhuga þá er honum velkomið að hafa samband við mig.

Með von um að kall greyið lendi nú ekki á vergangi óska ég honum alls hins besta.

 

Gengið að húsi Hannesar

Ætlar yfir 200 metra vatn á jeppanum

Mikið líst mér vel á Gísla Gunnar. Ég er alveg viss um að honum takist þetta.

Væri ekki leiðinlegt að sjá Árna Kópsson gera slíkt hið sama.

Ætlar yfir 200 metra vatn á jeppanum

Rauðlitaður BÖMMER

Almenningur er enn að láta reiði sína bitna á "auðmönnum" landsins.

Ég held að reiði almennings eigi bara eftir að aukast. Fólk sem í einfeldni sinni tók húsnæðis- og bílalán í "græðgisvæðingunni" er núna að taka skellinn.

Það sem ég óttast mest er að innan ekki langs tíma fari fólk að beita ættingja útrásarvíkinganna ofbeldi og þá fyrst fara menn að átta sig á alvarleika málsins.

Það að skvetta málningu á hús og bifreiðar útrásarvíkinganna er bara smámál miðað við það sem ég óttast. Þessir útrásarvíkingar eru nefnilega búnir að útata eignir landsmanna með endalausri spillingu og græðgi. Held að þeir séu að taka út sína ávöxtun með réttu.

Málningu úðað yfir bíl Björgólfs

Byrjum á toppnum.

Ég held að bæjaryfirvöld og ráðamenn bæjarfélaga landsins ættu að byrja sparnaðinn í efri lögum launastigans. Bæjarstjórar eru til dæmis betur undir það búnir að lækka sig um 50.000,- í launum en láglaunamaður með um og undir 300.000,- kr. í mánaðarlaun.

Þeir sem eru með laun um og undir 300.000,- kr. geta varla bætt á sig meiri byrðum en þegar er búið að leggja á þá. Því  skora ég á rétt hugsandi menn að fara þessa leið heldur en að byrja alltaf í lægstu laununum.

Það þarf hugarfarsbreytingu í þessum málum. Annars ná menn aldrei sáttum.

Sparnaðaráform rædd við stéttarfélagið

Gengið á gamla fólkið. Hvað tekur við næst ?

Nú á að blóðmjólka gamla fólkið. Ríkið getur ekki séð það í friði að gamla fólkið fari vel með fé.

Nei góðir samlandar. Sóið ykkar fé eins skjótt og þið getið annars tökum við það bara af ykkur. Þetta eru skilaboð dagsins í dag.

Kannski væri bara best að kaupa brennivín fyrir það litla sem maður á inni í bankanum.

Það heldur alla vega verðgildi sínu.

Raunfjármagnstekjur 2,5 sinnum meiri en uppgefnar

Skagamenn með Íslandsmeistara í kvennaflokki

Glæsilegt hjá þessum unga golfara.

Til hamingu með árangurinn Valdís Þóra.

Valdís Þóra Jónsdóttir Íslandsmeistari í höggleik

Gæti verið frétt um íslenskan banka.

Einhvern veginn kemur mér þessi frétt ekki spánskt fyrir sjónir.

Er mögulegt að útrásarglæpamenn frá íslandi séu farnir að leita færis erlendis ?

Hvernig er það annars, hafa útrásarvíkingarnir okkar bara gufað upp ?

Ekki það að ég sakni þeirra en það væri kannski heillaráð hjá þeim, ef þeir ætla að geta litið framan í íslenskan almenning í framtíðinni, að koma heim með þann pening sem þeir stálu af íslensku þjóðinni og skammast sín síðan ævilangt.

Bankinn sem hvarf

Frábært framtak

Ekki aðeins fá Íslendingar að sjá stórkostlega tónleika, heldur fer allur ágóði til góðgerðamála.

Hélt að ég væri að lesa rangt þegar ég sá þessa frétt. En jú það er staðreynd og öllum sem að standa til fyrirmyndar.

Miðarnir rokseljast

Lögreglan á lof skilið !

Lögreglan á lof skilið fyrir sinn þátt í að stöðva þennan ökuníðing. Mér skilst að Hvalfjarðargöngum hafi verið lokað í norðurátt strax og vitað var að bifreiðin var komin á Vesturlandsveg.

Það hefði getað endað með skelfingu ef ökumaðurinn hefði komist í göngin og jafnvel misst stjórn á bílnum þar.

Ökuníðingur á leið í afplánun