Hilmar Sigvaldason

Mig bara brast í grát við að lesa þessa frétt um að Hannes Smárason væri orðinn húsnæðislaus eins og alþjóð er kunnugt um. Kall greyið á allan minn stuðning og í ljósi þess hef ég ákveðið að bjóða honum til afnota, frítt að sjálfsögðu, tjaldið mitt sem er 6 manna. Til tryggingar þess að hann fari nú ekki að stofna einkahlutafélag um það og selji það til einhverra óprúttinna aðila sé ég ekki annan kost í stöðunni en að taka einhvern lúsusbíl hans til tryggingar.

Ef Hannes les þetta og hefur áhuga þá er honum velkomið að hafa samband við mig.

Með von um að kall greyið lendi nú ekki á vergangi óska ég honum alls hins besta.

	Gengið að húsi Hannesar
Ábyrgðarmaður færslu Tilkynna um óviðeigandi tengingu við frétt

Almenningur er enn að láta reiði sína bitna á "auðmönnum" landsins.

Ég held að reiði almennings eigi bara eftir að aukast. Fólk sem í einfeldni sinni tók húsnæðis- og bílalán í "græðgisvæðingunni" er núna að taka skellinn.

Það sem ég óttast mest er að innan ekki langs tíma fari fólk að beita ættingja útrásarvíkinganna ofbeldi og þá fyrst fara menn að átta sig á alvarleika málsins.

Það að skvetta málningu á hús og bifreiðar útrásarvíkinganna er bara smámál miðað við það sem ég óttast. Þessir útrásarvíkingar eru nefnilega búnir að útata eignir landsmanna með endalausri spillingu og græðgi. Held að þeir séu að taka út sína ávöxtun með réttu.

	Málningu úðað yfir bíl Björgólfs
Ábyrgðarmaður færslu Tilkynna um óviðeigandi tengingu við frétt

Nú á að blóðmjólka gamla fólkið. Ríkið getur ekki séð það í friði að gamla fólkið fari vel með fé.

Nei góðir samlandar. Sóið ykkar fé eins skjótt og þið getið annars tökum við það bara af ykkur. Þetta eru skilaboð dagsins í dag.

Kannski væri bara best að kaupa brennivín fyrir það litla sem maður á inni í bankanum.

Það heldur alla vega verðgildi sínu.

	Raunfjármagnstekjur 2,5 sinnum meiri en uppgefnar
Ábyrgðarmaður færslu Tilkynna um óviðeigandi tengingu við frétt

Einhvern veginn kemur mér þessi frétt ekki spánskt fyrir sjónir.

Er mögulegt að útrásarglæpamenn frá íslandi séu farnir að leita færis erlendis ?

Hvernig er það annars, hafa útrásarvíkingarnir okkar bara gufað upp ?

Ekki það að ég sakni þeirra en það væri kannski heillaráð hjá þeim, ef þeir ætla að geta litið framan í íslenskan almenning í framtíðinni, að koma heim með þann pening sem þeir stálu af íslensku þjóðinni og skammast sín síðan ævilangt.

	Bankinn sem hvarf
Ábyrgðarmaður færslu Tilkynna um óviðeigandi tengingu við frétt

Lögreglan á lof skilið fyrir sinn þátt í að stöðva þennan ökuníðing. Mér skilst að Hvalfjarðargöngum hafi verið lokað í norðurátt strax og vitað var að bifreiðin var komin á Vesturlandsveg.

Það hefði getað endað með skelfingu ef ökumaðurinn hefði komist í göngin og jafnvel misst stjórn á bílnum þar.

	Ökuníðingur á leið í afplánun
Ábyrgðarmaður færslu Tilkynna um óviðeigandi tengingu við frétt