Ísbjörninn setur allt á annan endan

Jæja ! Þá er ísbjörn númer 2 fallinn. Mér sýnist allt þjóðfélagið hafa farið á annan endan við þau tíðindi að ísbjörn hafi tekið land. Ekki af þeirri ástæðu að hann hafi sést, heldur það kapp sam var í mönnum að ná bangsa lifandi.

Eftir allt tilstandið og allan þann kostnað sem til var stofnað til að ná dýrinu lifandi þá urðu menn að taka til þess ráðs að aflífa bangsa.

Hingað komu danskir sérfræðingar í að fanga bangsann og ekki minna en flutningavél til að flytja allan búnað. Þyrla Landhelgisgæslunnar var kölluð til og her lögreglumanna var á staðnum. Að auki þurfti svo umhverfisráðherra ásamt föruneyti að vera viðstödd.

Það sem mig langar til að vita er hversu hár kostnaður hafi hlotist af þessu og hversu stór hluti þess fellur á okkur skattborgara. Að vísu bauðst Novator til að borga brúsann en mér finnst öll lætin við þetta mál vera hinn mesta óþarfa. 

Athugasemdir

[Jón Valur Jensson, 18.6.2008 kl. 00:09]

Hvítabirnir eru friðaðir að alþjóðalögum. Einungis brýn nauðsyn frumbyggja og líofshætta fólks getur réttlætt dráp á þeim. Þarna var ekki um það að ræða. Lestu hér harða gagnrýni mína á þetta hvítabjarnardráp. Og ráðþjónsferill Þórunnar fer að verða eitt allsherjarklúður í hverju málinu eftir annað.