Bankastjórar nýju ríkisbankanna

Það vakti furðu mína þegar ég sá í fréttunum í gær eða fyrradag, þar sem greint var frá bílakosti bankastjóranna í nýju ríkisbönkunum.

Þar voru sýndar glæsibifreiðar bankastjóranna sem voru í gömlu bönkunum. Tveir stífbónaðir Mercedes Bens jeppar. Ef fólk á að taka eitthvað mark á orðum ríkisstjórnarinnar um að landinn verði að herða sultarólina um að minnsta kosti þrjú eða fjögur göt, þá á að setja þessa bankastjóra og helstu yfirmenn þessara fyrirtækja á Skoda Oktavíu eða sambærilega bíla. Það sama finnst mér reyndar eiga við um ráðherrana. Ef þú ætlast til að tekið sé mark á orðum þínum, þá þarft þú að sýna gott fordæmi.

 Ég hvet ráðamenn þjóðarinnar til að sýna gott fordæmi í verki, ekki bara í orði.

Ný bankaráð fyrir vikulok

Athugasemdir

[Nína S (IP-tala skráð) 6.11.2008 kl. 18:53]

Já, til hvers að kasta olíu á eld? Er reiði almennings í landinu ekki nóg fyrir?

[Guðrún (IP-tala skráð) 6.11.2008 kl. 20:18]

Mér er sama um þessa jeppa en ekki sama að þetta fólk sem er búið að moka undir sig áður en allt fór á hausinn sé að keyra þá í raun ættu þeir ekki að hafa efni á reiðhjóli svo miklu stungu þeir undan. Okkur almenningi sem áttum þarna hlutabréf vorum ekki látin vita að gott væri að selja bréfin. Nei þeir sögðu ekki selja bréfin hækka en hvað gerðu þeir.

[Hilmar Sigvaldason, 16.11.2008 kl. 22:49]

Þakka þessar fínu athugasemdir. Það er alveg kristaltært að núna þarf ekki bara láglaunafólkið og millitekjufólkið að snúa bökum saman. Ef einhverjir eiga að sýna frumkvæði þá eiga þeir sem hafa haft það allt of gott hingað til taki á sig mesta skellinn. Mér líst vel á að setja kvenfólk í stjórnir bankanna, helst vildi ég sjá kvenfólk taka við stjórn í Seðlabanka Íslands hið fyrsta. Ég held að Davíð Oddsson geti með góðu móti, peningalega, sest í helgan stein.

Aðalatriðið er það að þeir sem hafa komið okkur íslendingum nánast á hausinn séu ekki í því starfi að rétta okkur við.