Ný Framsókn - Nýtt Ísland

Mig langar til að óska framsóknarflokknum til hamingju með nýja forystu flokksins. Í kjöri til æðstu starfa í flokknum voru mjög frambærilegir kandidatar, en ég verð að segja það fyrir mína parta að ég er mjög ánægður með niðurstöðuna.

Ég hlustaði á Sigmund og Eyglóu í þætti Ingva Hrafns á ÍNN og þau stóðu sig bæði með prýði.

Það er alveg ljóst að ríkisstjórnin þarf að fara að hlusta á rödd þjóðarinnar áður en ástandið versnar enn meira. Mótmælin við Alþingishúsið sýna það.

Það eru hagfræðingar eftir hagfræðinga búnir að benda á að til þess að Ísland geti hlotið trúverðugleika í heiminum, þurfi meðal annarsað skipta um stjórn í Seðlabankanum strax og menn eiga bara að hafa bein í nefinu til að byrja á þeirri aðgerð.

Eins og Ingvi Hrafn benti á þá skar Framsóknarflokkurinn á það sem hann kallaði"kýli" með kjöri á þeirri stjórn sem kosin var. Það sama verða menn í ríkisstjórn Íslands að gera.

Nú duga ekki lengur hin hörðu gildi flokkanna. Alvaran er skollinn beint í andlit þjóðarinnar. Það verða allir að snúa bökum saman í þessu gríðarlega verkefni sem framundan er og gera öllum landsmönnum leiðina út úr þessari kreppu eins sársaukalitla og kostur er.